Neighborhood cleanups, St Raphael

Chak semen, rezidan vil Sen Rafayèl mobilize tèt yo pou pwòpte lari a volontèman, kote tout moun, ki enkli majistra, patisipe.  

Sen Rafayèl se yon zòn k ap elaji:  li gen youn nan pi gwo mache piblik an Ayiti, byento l ap genyen aksè elektrisite piblik, epi yo patisipe nan yon nouvo pwogram pou amelyorasyon wout, ki pa sèlman fin pave vil la, men ki tou pral konekte Sen Rafayèl ak Ench avèk yon wout prensipal asfalte.  

Men rezidan Sen Rafayèl yo pa sèlman benefisye de amelyorasyon katye a, yo menm ap kontribye nan tout fason yo kapab, ni gwo ni piti.  Youn nan inisyativ majistra ak abitan yo te kreye se yon jounen anbelisman pou chak semen, kote rezidan yo (ki enkli majistra) pran bale yo epi pase tout jounen an ap pwòpte lari yo.